AKO wapongezwa kwa huduma bora kwenye sekta ya madini..

Na Damas Makangale, Bulyanhulu, Kahama

Baadhi ya mameneja na wafanyakazi wa kampuni ya migodi Bulyanhulu na North Mara wakifuatilia mada kwenye warsha ya mafunzo kuhusu maudhui ya ndani (Local content ) na Uwajibikaji kwa Jamii (CSR) iliyofanyika mwishoni mwa wiki Bulyanhulu katika kitongoji cha Kakola, Wilaya ya Msalala

Tume ya Madini nchini imeiopongeza kampuni ya AKO kuwa moja ya makampuni ya wazawa inayofanya vizuri kwenye utaoji wa huduma kwenye migodi hapa nchini.

Hayo yalisemwa na Mwenyekiti wa Tume ya Madini, Bi Janet Lekashigo alipokuwa akijibu maswali kwenye semina ya mafunzo ya siku moja kuhusu utekelezaji wa maudhui ya ndani (Local content) na uwajibikaji kwa Jamii (CSR) kuhusu ushiriki wa wakandarasi na wasambazaji wa huduma na bidhaa wa ndani kwenye sekta ya madini hapa nchini.

Mwenyekiti wa Tume ya Madini nchini, Bi Janet Lekashingo akizungumza na wafanyakazi na mameneja wa Mgodi wa Bulyanhulu wakati wa semina ya mafunzo ya siku moja kuhusu utekelezaji wa maudhui ya ndani (Local Content) na Uwajibikaji wa Jamii wajibu (CSR) katika mgodi wa Bulyanhulu, Kakola, Wilaya ya Msalala. Kahama, Shinyanga.

Bi Legashigo alisema kwamba kwenye utekelezaji wa maudhui ya ndani (Local content) kampuni ya AKO imekuwa ikifanya vizuri na nia ya serikali kuona na kuwawezesha watanzania kushiriki katika kufanya biashara na makampuni ya uchimbaji madini, uwekezaji kwenye sekta husika na kuboresha ustawi wa jamii na uchumi kwenye maeneo yanayozunguka migodi hapa nchini.

Bi Janet Lekashingo alisema kuwa lengo la serikali kuanzisha kanuni za muadhui ya ndani (Local Content) na Uwajibikaji kwa Jamii (CSR) ni jitihada za kuhimiza uendelevu, ushirikishwaji na kutoa sehemu ya faida kwa jamii inayozunguka migodi husika.

 “Hii sio tu kutimiza majukumu, bali ni kuunda mustakabali ambapo uchimbaji madini utakuwa na matokeo chanya na endelevu. Tangu kuanzishwa kwake, Tume ya Madini imekuwa mstari wa mbele na imara katika kuhakikisha kwamba bidhaa na huduma za watanzania zinapewa kipaumbele katika sekta hii,” alisema.

 

Alisema kwamba kwa kuweka kipaumbele kwenye maudhui ya ndani (Local Content) Tume hiyo imeona ongezeko kubwa la watanzania wanaonufaika moja kwa moja kutoka kwenye sekta ya madini ni  ishara wazi ya maendeleo ukilinganisha na miaka iliyopita.

Alisema utekelezaji wa maudhui ya ndani ni kuhusu kuiwezesha jamii – kutengeneza ajira, kukuza biashara za ndani na kuboresha maisha ya watu wanaozunguka maeneo ya uchimbaji madini kwa kuwashirikisha moja kwa moja na njia isiyo ya moja kwa moja katika shughuli za biashara na uchimbaji madini.

“Tunapoanza semina hii, tukumbuke umuhimu wa maudhui ya ndani (Local Content) katika kufungua uwezo wa Tanzania.  Hizi kanuni ni daraja linalowaunganisha watanzania kupata ujuzi wa kimataifa na za ndani, kuhakikisha kwamba sekta ya madini inakuwa nguzo ya maendeleo endelevu ya kitaifa,” alieleza.

“Ni muhimu kwa kampuni kuwawezesha wasambazaji wa ndani kama sehemu ya jitihada za serikali na makampuni ya madini kujenga uwezo, kuunda na kukuza uelewa wa pamoja na ushirikiano.”

Kwa upande wake, Meneja Mkuu wa Mgodi wa Barrick Bulyanhulu, Bw Victor Lule alisema kwamba moja ya changamoto kwa wasambazaji wa ndani, wazawa ni kushidwa kufikia malengo ya makubaliano katika kazi tunazofunga mkataba na hiyo ni changamoto kubwa sana kwao.

Meneja Mkuu wa Bulyanhulu, Bw Victor Lule akieleza jambo wakati wa semina ya mafunzo ya siku moja kuhusu utekelezaji wa maudhui ya ndani na uwajibikaji kwa jamii kwa maafisa wa Tume ya Madini. Semina hiyo ilifanyika kwenye mgodi hivi karibuni kushoto kwake, Mwenyekiti wa Tume ya Madini, Bi Janet Lekashingo.

“Shida ni kwamba wasambazaji wa ndani ambao ni watanzania wenzetu ni uaminifu na kushidwa kumaliza kazi kwa muda na kuleta bidhaa au huduma chini ya viwango hii ni changamoto ambayo tunakutana nayo sana,”

“Ni kampuni ya AKO group ndio wanafanya vizuri kwenye eneo la huduma na tunataka watanzania wengine wafike viwango hivyo,” alisema Bw Lule

“Kwa sasa, tuko kwenye njia sahihi kwani takwimu zinaonyesha kuwa asilimia 82 ya manunuzi yetu ilifanywa na wasambazaji wa ndani, wakati asilimia 12 iliyobaki ilifanywa na wasambazaji wa kigeni. Tunaendelea kutekeleza kile tunachosema kuhusu utekelezaji wa maudhui ya ndani.”

Alisisitiza kuwa kampuni ya uchimbaji madini itaendelea kuwaelimisha wafanyabiashara na wasambazaji wa ndani jinsi ya kufanya biashara na makampuni ya madini jinsi ya kusajili kampuni zao na kushiriki katika semina, warsha na mikutano ili kujenga uelewa na uhusiano wa pamoja na endelevu.

Bwana Lule alieleza kuwa kampuni hiyo Barrick Twiga asilimia 96 ya wafanyakazi wake ni  watanzania, baadhi yao wakiwa katika ngazi ya uongozi, jambo ambalo ni Ushahidi tosha  kwamba mgodi huo inakuza falsafa ya maudhui ya ndani. (local Content)

Aliongeza kuwa ni muhimu kwa wasambazaji wa ndani kuwa waaminifu, wachapakazi na kutekeleza kazi na kukabidhi ndani ya muda wa makubaliano . aliongeza baadhi ya wasambazaji wa ndani walishindwa kutimiza majukumu yao na wakati mwingine walileta bidhaa chini ya viwango.

Mkurugenzi wa Ukaguzi wa Madini na Biashara kutokaTume ya Madini,  Bw Venance Kasiki, alisema kuwa Tume ya Madini imekuwa na mikutano kadhaa na taasisi za kifedha nchini benki za ndani kuanza kuwawezesha wasambazaji wa ndani katika sekta ya madini kama  vile kutoa mikopo kama hatua za awali za kurahisisha utekelezaji wa maudhui ya ndani.

Mtaalam wa kutumia mashine, kifaa cha digitali aina ya (Sandvik Automine) akionyesha jinsi ya kutumia kifaa hicho kuendesha mashine ya uchimbaji wa madini ya ardhi c kwa wajumbe wa Tume ya Madini.

“Tuna mikutano kadhaa na majadiliano na benki mbalimbali nchini kama vile CRDB, NMB na nyingine ili kuanza kuangalia sekta ya madini kama sekta inayokua kwa kasi na yenye matokeo Chanya na si hatari tena,” alisema.

MWISHO.