Busara Promotion ilianzishwa kama NGO ya kitamaduni 2013 hapa
Zanzibar. Tukio kubwa linalofanywa kila mwaka ni tamasha la Sauti za
Busara. Ni tamasha maarufu linalowaleta watu pamoja katika kusherehekea
muziki wa Afrika Mashariki na kwengineko.
Tarehe 9th Novemba, Busara Promotions iliitisha mkutano na waandishi
wa habari Zanzibar juu ya suala la muimbaji hodari wa nyimbo za
utamaduni Fatma Baraka anayejulikana kwa jina la Bi Kidude. Mkutano
huo wa waandishi wa habari uliitishwa kwa ajili ya kutoa taarifa za
akiba za fedha za Bi Kidude kwa wanafamilia wake kisheria.
Mkutano huo wa waandishi wa habari ulifunguliwa kwa wawakilishi
kutoka Busara Promotions, kuyajibu madai yasio na ushahidi yaliotolewa
na wanafamilia wa Bi Kidude yanayoshutumu kuwa Busara inamtumia vibaya
Bi Kidude. Kwa bahati mbaya mwanafamilia huyo huyo alikataa kuhudhuria
mkutano and pia alipinga kutoa ruhusa ya Bi Kidude kuwepo mkutanoni.
Mkutano ulihudhuriwa na waandishi wa habari 30, wawakilishi kutoka
wizara ya utamaduni, wanafamilia wengine wa Bi Kidude na marafiki
wengine. Kwa sababu isiyojulikana, habari zilitangazwa kwenye vyombo
vya habari kuwa Busara Promotions inaachana na kumtupa Bi Kidude.
Busara Promotions imeendelea kumsaidia Bi Kidude tangu kabla ya
mwaka 2005. Miaka saba iliopita, Busara Promotion imemtangaza Bi Kidude
na kutambuliwa na WOMEX (World Music Expo), Bi Kidude alipata tunzo
kubwa katika maisha yake na kuchangiwa fedha ili kuendeleza muziki wake
wa kiutamaduni. Tunzo ya WOMEX ilikuja na kiasi cha yuro 5,000. Baada
ya hapo kama ilivyopendekezwa na WOMEX, Busara Promotions ilimsaidia
katika kuzitunza na kuzitumia fedha zake katika kutengeneza paa na
sakafu ya nyumba yake iliopo Raha Leo Mjini Zanzibar, pamoja na kuitia
Plasta, kutengeneza mabomba ya maji, kuikarabati na kuipamba vyema. Bi
Kidude mwenyewe alikuwa akichukua kiasi kisichopungua 50,000 Tsh kila
wiki kwa muda wa miaka saba. Katika nafasi nyingi Busara Promotion
imemsaidia Bi Kidude kutengeneza pesa zaidi kwa kufanya maonyesho
nchini na nje ya nchi.
Katika kipindi hicho, Busara Promotion ilisaidia kukusanya zaidi ya
dola 23,000 (36 millions Tsh) kwa ajili ya Bi Kidude katika malipo ya
wasanii, ambapo katika kiasi hicho zimebakia dola 2,281 (3, 604,00/-
Tsh) katika akaunti yake. Ofisi ya Busara inazo risiti na kumbukumbu
zote za Bi Kidude alipochukua fedha kwa miaka saba.
Busara Promotions inatangaza wazi kuwa haitoachana na kumtupa kwa
vyovyote bibi mpendwa kama ilivyo semwa na mkurugenzi Yusuf Mahmoud.
"Wakati tunajuta kwamba baadhi ya watu wanaamini vinginevyo,
tunatarajia kutamka na kuthibitisha tena kwamba tunatafuta na
kuwafanyia wasanii kutoka Afrika Mashariki, wazanzibar na watanzania
vile wanavyotaka wenyewe. Busara Promotion itaendelea kumsaidia Bi
Kudude Maisha yote"
Busara Promotion iko tayari kuzikabidhi fedha za Bi Kidude kwa mtu
wa damu kisheria punde iwezekanavyo kwa ushahidi akiwemo mwanasheria
na muwakilishi kutoka serekalini na watu wa vyombo vya habari.
Tunaendelea na kuboresha na kuorodhesha orodha ya annuani zetu za barua pepe tulizonazo
this list is only to be used for providing information to press people
Jarida hili la barua pepe limetumwa kwa dmakangale1@yahoo.com.
Unauwezo wa kujiengua kutoka katika listi yetu la jarida hili, kwa kutembelea (URL) kisara hiki:
http://www.busaramusic.org/cgi-bin/dada/mail.cgi/u/habari/
Kama kisara (url) hiki hakibofyeki, chukua muda kunakili kisara hiki
kizima kwani wasomaji wengine wa barua pepe hii wanaweza kuuvunja mstari
huu kua mistari kadhaa
Unaweza kuwasiliana nasi kwa anuani pepe hii
press@busara.or.tz
Na kwa wale wanaoweza kutumbelea tupo, njia ya kuelekea uwanja wa ndege
tukiangaliana upande wa pili wa barabara na Gofu club Maisara
Busara Promotions, mkabala na Golf Club, Maisara, Njia ya uwanja wa ndege, Zanzibar, Tanzania
Mailing List Powered by Dada Mail
Post a Comment