Leo Fellaini, mwenye Miaka 25,
anatarajiwa kucheza Mechi yake ya kwanza kabisa kwa Man United dhidi ya
Crystal Palace Uwanjani Old Trafford kwenye Mechi ya Ligi Kuu England.
Jana, wakati akitambulishwa rasmi kama
Mchezaji mpya baada ya kununuliwa kwa Pauni Milioni 27.5 kutoka Everton,
Fellaini alitamka: “Meneja ndie ataamua wapi nicheze lakini nataka
nicheze kama Kiungo Mkabaji. Keane alikuwa Mchezaji mwenye ari na
mpiganaji mwenye uwezo wa kunyang’anya Mpira wowote. Pengine na mimi
naweza kufanya hivyo. Naweza kunyang’anya Mpira, kuokoa na naweza
kucheza bila rafu.”
Roy Keane alikuwa Mchezaji wa Kimataifa
wa Republic of Ireland ambako alikuwa Nahodha wa Timu hiyo pamoja na
Manchester United ambako alicheza Old Trafford toka Mwaka 1993 hadi 2005
na ndie alikuwa nguzo ya Wachezaji walioiwezesha Klabu hiyo kutwaa
Ubingwa wa Ligi mara 7 katika kipindi hicho.
Pia Keane, ambae sasa ana Miaka 42,
aliisaidia Timu ya Sir Alex Ferguson kutwaa Ubingwa wa Ulaya mara moja,
FA CUP 4, Ngao ya Jamii 4 na Ubingwa wa Dunia mara moja.
Akiwa na Everton, chini ya David Moyes
alipokuwa huko, Fellaini mara nyingi alikuwa akichezeshwa Kiungo wa
kushambulia lakini sasa Fellaini anataka arudi nyuma na kuwa Kiungo
Mkabaji.
Mkabaji.
Wakati huo huo, Moyes amethibitisha
kuanza tena Mazoezi kwa Kiungo Darren Fletcher ambae alikuwa
akisumbuliwa na ugonjwa sugu wa tumbo uliomfanya acheze Mechi 7 tu
katika Miaka miwili.
Juzi Alhamisi Fletcher alianza Mazoezi
na Moyes amesema watamjenga pole pole hasa kuhakikisha anaongeza uzito
ambao amepungua sana.
Pia Moyes alisema watamfanyia tathmini
Straika wao Wayne Rooney kuangalia uwezekano wa yeye kucheza Mechi ya
leo na Crystal Palace.
Rooney alipasuka Kichwani baada ya
kugongana na Phil Jones Mazoezini na kumfanya aikose Mechi ya Man United
na Liverpool hapo Septemba Mosi na pia Mechi za England dhidi ya
Moldova na Ukraine.
Moyes amesema: “Yupo fiti. Jeraha lake limepona na Nyuzi zimetolewa lakini lazima tufanye tathmini ikiwa atacheza.”
Chanzo: http://www.sokainbongo.com
Post a Comment