January
Makamba ambaye ni mbunge wa jimbo la Bumbuli na Naibu Waziri wa Sayansi na
Mawasiliano ni kijana aliyepata bahati ya mtende hata kufikia hatua ya
kumuondoa Mzee Shelukindo na kuwa Mbunge wa jimbo la Bumbuli, lakini leo kutoka
sakafu ya moyo wangu, ninamuombea huyu mdogo wangu kheri ‘labda’ afanikiwe kuwa
Rais wa Tanzania kwa hao waliozoea kumpa vyeo, lakini hawezi tena kuchagulika
kuwa mbunge wa jimbo la Bumbuli.
 |
| January Yusuf Makamba, Naibu Waziri wa Sayansi na Mawasiliano na Mbunge wa Bumbuli CCM |
Kilichomfikisha
January mpaka kwenye hatua hiyo sio uwezo wa kufanya kazi sana bali ni kwa
sababu ya promosheni ya kubebwa na Jk kutokana na uswahiba wa Baba yake
Makamba, Mzee Yusuph Makamba na Jakaya Kikwete ambapo nyakati zote amekuwa
akisikika akisema amemweka Rais Kikwete mfukoni wakati mwingine kiganjani.
Hizo ndio
tambo za kijana January azungumzazo awapo baa ama katika vijiwe vya kahawa na
matusi kwa JK yamekuwa ni kawaida sana kwa January.
Haya maneno
ya kijana January yanaweza yakawa na ukweli kwani hata ukiangalia uwezo wake
kichwani hamna kitu, kwani hakuna hata mtihani mmoja wa hapa Duniani aliowahi
kuufanya na kufaulu.
Mathalani
alifanya mtihani wa kidato cha nne katika shule ya sekondari ya Galanos Tanga
ambayo ilikuwa shule ya boarding, akafeli kabisa kwa kupata alama sifuri ambapo
alionyesha kulalamika kufanyiwa hujuma za kisiasa kutokana na siasa
zinazomuhusu Mzee wake (Yusuph Makamba) lakini ukweli unabaki pale pale January
kichwani hamna kitu.
Kuna siku
nikakutana na ndugu wa Makamba (jina namuhifadhi kwasababu namuheshimu na ni
mtu mstaarabu lakini kwa nia njema kabisa ) katika bar ya friend’s corner
ambapo alikuwa anajisifia uraia wa Marekani wa January na familia yake, na
kudiriki kusema kwamba January amelelewa na ‘system’ ya wa Marekani kupitia kwa
Rais Mstaafu Jimmy Carter na baada ya kurudi Tanzania na kukosa zile sifa za
kuifanya familia yake kuwa raia wa Marekani, aliamua kwamba mke wake akifikisha
ujauzito wa miezi nane akimbilie Marekani na watoto wake wawe raia wa Marekani.
Hivi ndivyo
tunaambiwa imetokea kwa wake wawili wa January, ambao wote wana vyeti vya
kuzaliwa Marekani na moja kwa moja ni raia wa Marekani.
Ni dhahiri
January haupendi Utanzania ndio maana ameamua kuwaambukiza watoto wake tabia ya
kilichopo moyoni mwake cha kuukana Utanzania. Uzalendo wa January Makamba kwa
Taifa la Tanzania upo wapi hapa?
Najiuliza,
kijana huyu ambaye hakuwahi kupata tatizo la ajira na wala kujiajiri tangu
amerudi Tanzania, na ambaye amelelewa kwa pesa za walipa kodi za Watanzania
miaka yote, leo hii anaonea aibu Uraia na Utaifa wa Tanzania?
Kumbe ndiyo
maana hajui na wala hajali matatizo ya mama wajawazito na watoto wadogo huku
wodini Bumbuli kwani mke wake anaenda kujifungulia Marekani. Wajawazito
wanalala watatu kitanda kimoja, wengine wanajifungulia chini hili wala January
halijui wala hana mpango wa kulifahamu kwani yeye yupo bize na kuusaka urais,
Kweli tunamkumbuka Mzee William Shelukindo, Mbunge aliyetoka kabla ya kuingia
kijana January Makamba.
Tangu
January ateuliwe kwenye wizara hii ya Sayansi na Teknolojia ameshindwa kabisa
kusimamia unafuu wa gharama za mawasiliano, na wenye makampuni ya simu wamekuwa
wakitumia mwanya wa ulegelege wa kiuongozi wa January kupandisha gharama kila
uchwao.
Mathalani,
mwaka jana bei ya GB kwa mwezi ilikuwa Tsh. 1,500/- tu. Yaani ulikuwa unalipa
Tshs. 30,000/- unapata GB 20 kwa mwezi. Lakini kwa mwaka huu bei ya GB imepanda
hadi kufikia Tshs. 5,000/-. Yaani unalipa Tshs. 25,000/- unapata GB 5 tu kwa
mwezi.
Hili ni ongezeko la zaidi ya asilimia 233,
wala hakuna maelezo yoyote yale ya msingi yanayotolewa kwa sie wateja kuhusu
ongezeko hili. Na wala hakuna mjadala wowote ule bungeni uliowasilishwa na
akina January ama kuwashawishi wabunge kupinga dhambi hii ya unyonyaji
inayotendwa na makampuni ya simu kwa Watanzania na badala yake January amekuwa
kimya kumaanisha anafurahishwa na Watanzania wanavyonyonywa.
January
ameshindwa kututetea Watanzania akiwa kama kiongozi mwenye dhamana ya
mawasiliano kwa makampuni ya simu kupitia suala hili dogo tu la gharama za
mawasiliano na badala yake amekuwa bubu kwa maslahi ya Wananchi na amekuwa
domokaya kuutaka urais. Nani akupe Urais endapo matendo yako yanaonyesha
dhahiri kushindwa kuwatetea Watanzania?!
Ni shida kwa
kweli. Shida hiyo ameiendeleza hadi kumfanya kutopapenda kwao kiasi cha kufikia
kutokujenga hata chumba kimoja kwao na wala hajawahi kulala kijijini kwao hata
siku moja na siku zote anapoenda Bumbuli hurudi kulala Hotel ya Highland
iliyopo Lushoto mjini na anachumba binafsi anachokilipia kwa gharama kubwa na
huko kazi yake kubwa ni kufanya ufuska, jambo lililomfanya awe maarufu Lushoto
nzima.
Huyo ndiyo
January Makamba kiboko ua anasa pale LushotoKutoka rohoni, mimi simpendi
January, lakini nakubali ni mwandishi mzuri sana na uzuri kupitiliza hata
kumwandikia Rais Kikwete hotuba zilizomgombanisha na Wananchi.
Mathalani
ile hotuba ya Kikwete aliwatukana TUCTA mwaka 2009 na kuzua mgogoro mkubwa kati
ya serikali na TUCTA lakini Rais Kikwete ameendelea kumkumbatia mpaka kesho
jambo linalomfanya ajitape mitaani kuwa amweka Rais Kikwete mfukoni na ndio
maana anamsema vibaya Kikwete waziwazi akiamini hawezi kufanywa lolote.
Hii ni
dharau ya hali ya juu anayoionyesha January Makamba kwa Rais wetu wa nchi.
Makala kwa
msaada wa Jamii Forum
Mwisho
Post a Comment