Akizungumza katika sherehe za kumaliza elimu ya sekondari kwa wajumbe
wa klabu za Umoja wa Mataifa kwa vijana, Youth of United Nations Association of
Tanzania (YUNA) Mgeni rasmi kwenye sherehe hizo, Stephanie Raison, Afisa habari
kutoka shirika la Umoja wa Mataifa Wanawake (UN-Women) alisema kwamba kama
tatizo hilo la ndoa za utotoni likiendelea zaidi ya wasichana 140 millioni
watakuwa wameolewa ifikapo 2020.
 |
| Takriban wasichana milioni 14 million kote duniani wanalazimishwa kuolewa wakiwa wadogo |
“wasichana wanaolewa kabla ya kufikisha umri wa miaka 18 wapo katika
hatari ya kunyanyaswa kufanyiwa ukatili
wa kijinsia na wanaume wao na kupata matatizo yatokanayo na uzazi wakati wa
kujifungua ikiwemo kupoteza maisha katika umri mdogo,” alisema Raison
Alisema kwamba kuondoa ukatili wa kijinsia kwa watoto wa kike duniani
ni moja ya agenda ya muhimu katika mkutano uliofanyika mjini Beijing wa
wanawake katika kumsaidia mwanamke na mtoto wa kike kuondokana na unyanyasaji
wa kijinsia duniani kote.
 |
| Umaskini ndio sababu kubwa ya wasichana kuolewa mapema |
Bi Raison alisema kwamba ahadi ya jumuiya ya kimataifa katika mkutano
wanne wa kidunia wa wanawake mjini Beijing ni kuondoa kabisa aina zote za
ukatiki wa watoto wa kike na wanawake katika nchi hasa zinazoendelea.
“katika mkutano uliopita wajumbe walikuabaliana kuondoa ainza zote za
ukatili wa kijinsia na kutafuta njia bora ya kuwakinga watoto wa kike dhidi ya
unyanyasaji wa aina yoyote na kuhakikishia elimu na malezi bora kwa watoto kike
duniani,” aliongeza
Aliongeza kwamba jumuiya ya kimataifa ipo katika mpango mkakati wa
kusukuma katika umuhimu na ulazima wa elimu kwa mtoto wa kike na afya bora ya
uzazi ili kuwajengea mazingira ya kuwa viongozi na wakinamama bora baadaye.
Bi Raison alisema kwamba ni muhimu kwa serikali zote duniani
kushirikiana na Umoja wa Mataifa wanawake katika kuhakikishia wanajenga usawa
wa kijinsia kati ya watoto wa kike na kiume kama njia bora ya kuleta maendeleo
kwenye jamii.
Kwa upande wake, Mwenyekiti wa Klabu za Umoja wa Mataifa kwa Vijana, Bi
Caroline Damian alisema kwamba kila mwaka klabu za umoja wa mataifa kufanya
sherehe kwa wajumbe wake ili kuleta hamasa ya vijana kujitambua na kutambua
wajibu wao kama vijana.
Alisema kwamba masuala ya afya ya uzazi, mimba za utotoni na ndoa ni
changamoto kubwa kwa vijana na hasa watoto wa kike hapa nchini Tanzania na
dunia kwa ujumla.
Alifafanua kwamba ni wakati kwa jumuiya ya kimataifa kutoa elimu ya
kutosha kuhusu afya ya uzazi kwa vijana na umuhimu wa elimu ili kupunguza
tatizo la ndoa na mimba za utotoni pamoja na vifo.
Post a Comment