Digitali yavunja ndoa za watu uswahilini
.
Fumanizi zaongezeka mitaani
.Vijana
wengi wakosa bongo flavour na maiigizo
.
40% ya wakazi wa jiji hawatizami Televisheni majumbani
.Wasanii
wa kizazi kipya wakosa promo
“Tangu mfumo wa digitali kuanza katika jiji la
Dar es Salaam mahusiano ya wachumba na ndoa nyingi zinaendelea kuvunjika hasa
sehemu za uswahilini kwa sababu wachache wenye ving’amuzi wanatumia kama nyenzo
ya kupata wanawake hasa kwenye vipindi vinavyopendwa sana na watazamaji
wakinamama,” anasema Alban Marcus.
Akizungumza na Clouds
Television jijini Dar es Salaam, Bw Marcus ambaye ni Mkurugenzi wa (Citizen
Public Watch) anasema huku uswahilini mafumanizi yameongezeka kwa kasi ya ajabu
baada ya wenye ving’amuzi kutumia upenyo huo kutembea na wachumba na wake za
watu.
Bw Marcus anasema
kwamba mfumo wa digitali nchini Tanzania uliharakishwa bila ya kutolewa elimu
ya kutosha Kwa wananchi wote Ili waelewe nini maana ya analogia na mfumo mpya
wa digitali na manufaa yake kwa watumiaji wa televisheni hapa nchini.
Anasema kutokana na
msukumo wa wafanyabiashara ambao wanawaza na kufikiri kibiashara zaidi na
kutomdhamini mlaji ambaye ndio mtanzania wa hali ya chini mfumo huu mpya
umewaweka pembeni watu wenye kipato cha chini hapa Tanzania.
Katika mfumo wa
digitali Serikali ilifanya haraka kuzima bila ya kuwadhamini kwanza wananchi
wake hasa wenye vipato vya kati na vya chini na hali ya kiuchumi kwa ujumla
kabla ya kuwashirikisha kwa lazima katika mfumo mpya wa teknolojia.
Bw Marcus alisisitiza
kwamba mfumo wa digitali ulipaswa uende sambamba na elimu ya teknolojia mpya
kwa wananchi lakini cha kushangaza zaidi ni kwamba hata makampuni ya kusambaza
ving’amuzi vilikuwa bado havijajipanga kwa mfumo mpya wa matangazo.
“Uhuru na haki ya
kupata habari na matangazo upo kitanzini wananchi sasa wanalazimika kununua na
kulipia taarifa ya habari na matangazo kwani tunarudi kwenye ujima?
“Kwa hakika mfumo huu
hauwezi kuharakisha maendeleo maana upatikanaji wa habari na elimu ya uraia
unasambaa kwa urahisi na haraka zaidi kwa njia ya televisheni hata kwenye
kuunda mabaraza ya katiba mfumo rahisi wa mawasiliano ni huu wa televisheni,”
alisema Marcus
Wakati wa kuzima mtambo
wa digitali ilikuwa ni kipindi cha mwisho wa mwaka kwamba watu wengi wenye hata
kipato cha kati walikuwa wanajiandaa na karo za watoto wao mashuleni kwahiyo
serikali ilikuwa inatakiwa kutizama hali za kiuchumi za wananchi wake kwa
wakati husika.
Ilikuwa Desemba 31,
mwaka jana ilikuwa mwisho wa mimi Mtanzania wa kawaida kutizama kipindi cha
michezo cha sports bar kinachorushwa na Clouds TV ambacho ni mmoja wa vipindi
bora na vinavyonisisimua sana,” anasema Said Khamis Mkazi wa jiji la Dar es
Salaam.
Tanzania ilingia rasmi
katika mfumo wa kurushia matangazo ya televisheni kwa njia ya dijitali kutoka
katika mfumo wa analogia tangu mwaka katika mkoa mmoja pekee wa Dar es Salaam
na kuacha maelfu ya wakazi wa jiji wenye kipato cha chini bila matangazo ya
televisheni anasema khamis.
Huo ulikuwa ni usiku wa
kuamkia Januari mosi mwaka huu, ambapo mitambo ya analojia ilizimwa na mamlaka
husika kwa mkoa huu na kuungana na nchi nyingine duniani zilizotangulia kwenye
mfumo wa digitali ili kwa kile kinachoelezwa kutoa picha na sauti nzuri.
Kuja kwa mfumo wa
dijitali kulitokana na agizo lililotolewa na Tume ya Kimataifa ya Mawasiliano
(ITU) kwa nchi zote duniani kuhamia kwenye mfumo huo ifikapo Julai, 2015.
Nchi za Jumuiya ya
Afrika Mashariki, Tanzania imekuwa ya kwanza kutekeleza agizo hilo mapema
badala ya kusubiri hadi tarehe ya mwisho iliyowekwa na ITU.
Katika kufanikisha
hilo, Mamlaka ya Mawasiliano Tanzania (TCRA) imetoa vibali kwa kampuni tatu
kufanya kazi ya usambazaji wa mfumo wa dijitali, ambazo ni Star Media Tanzania
Limited (Startimes) yenye ushirikiano na Shirika la Utangazaji Tanzania (TBC)
na Star Communications and Technology ya China, Ting ya Agape Associates na
Basic Transmissions ya Kampuni za IPP Media pamoja na Sahara Communications.
Kwa kuanzia, TCRA
imechagua mikoa saba ambapo imeanza na Mkoa wa Dar es Salaam, huku Dodoma na
Tanga ikitarajiwa kuanza Januari 31, Mwanza Februari 28, Moshi na Arusha Machi
31 na Mbeya ni Aprili 30 mwaka huu.
Wakati mikoa mingine
ikiendelea kutumia mfumo wa analojia, imeahidiwa ndani ya miezi nane mwaka huu,
teknolojia ya dijitali itakuwa imeenea kote.
Lakini siku chache
baada ya kuanza kwa mfumo huu mpya jijini Dar es Salaam, tafiti zilizofanywa na
TCRA zinaonesha asilimia 90 ya wakazi wake wanatumia mfumo huu.
Mbali ya hilo kumekuwa
na malalamiko kwa wakazi wengi wa jiji kuhusu ubora wa huduma za baadhi ya ving’amuzi
kuwa havikidhi kiwango kinachotakiwa kulingana na fedha wanazozitoa.
Aidha, wakazi hao
wanadai kuwa ving’amuzi hivyo vimekuwa na matatizo ya sauti pamoja na picha
hasa kwa wale waliolipia vituo vichache huku wakilalamikia bei za ving’amuzi na
vifurushi vyake kuwa kubwa tofauti na vipato vya wengi.
Wakazi hao wanasema
kuna mafundi wachache wa kuunganisha ving’amuzi, hivyo ambao pia hawapatikani
kiurahisi huku wakisema lugha iliyotumika kutoa maelezo ya jinsi kuunganisha si
ya taifa hivyo ni vigumu kwa watu wengi kuelewa.
Wakizungumza na kituo
hiki kwa wakati tofauti, wakazi hao wanasema wamekuwa wakipewa namba za watu wa
huduma kwa wateja, lakini imekuwa vigumu kuwapata pindi wanapohitaji msaada.
Anitha George, mkazi wa
Banana jijini Dar es Salaam anasema mfumo wa dijitali umeleta usumbufu mkubwa
sana kwani imekuwa shida kupata matangazo ya televisheni kama zamani.
“Muda mwingi matangazo
hayaonekani vizuri huku ukitokea ujumbe wa ‘hakuna huduma’, wakati mwingine
matangazo yakiwa yanaendelea picha zikiganda na ikitokea picha ikionekana
vizuri basi sauti haitasikika,” anasema Anitha.
Naye Mary Jacob mkazi
wa Buguruni, alisema bei za ving’amuzi bado ni tatizo kwa Watanzania walio
wengi na kutoa pendekezo kwa serikali kupanga bei stahiki itakayowalinda watu
wa hali zote.
“Hizi bei zao hata
hazijawalenga wanyonge, kama mtu anashindwa kununua antena ya sh 3,000 (si za
ving’amuzi) ataweza kununua king’amuzi cha sh 48,000 kinachohitaji vitu kibao?
“Mimi nadhani serikali
ingesimamia hili ili bei iwe hata sh 7,000 watu wanaweza kumudu,” anasema Mary.
Naye Issa Hamad
anaeleza kwamba: “Jamani sidhani kama Watanzania wote ni wasomi…nashangaa hivyo
vinavyotumika kuelekezea jinsi ya kuunganisha ving’amuzi (menu) vimeandikwa kwa
lugha ya Kiingereza.”
Baadhi ya wakazi hao
waliitupia lawama serikali kwa kuharakisha kuingia kwenye dijitali wakati mfumo
huo ukiwa haujaenea kwenye miji yote nchini na kushangazwa na kila kituo cha
televisheni kutangaza king’amuzi chake.
Ving`amuzi vimesaidia
kupunguza wimbi la uvivu wa kukesha Tiviini kuangalia maigizo, bongo flavor,
wabongo wengi hasa wa uswazi hawawezi kumiliki sh 30000 au 50000 za kununulia
ving`amuzi hii ni sawa na kusema Serikali imefanikiwa kupunguza watazama Tv
sugu kwa asilimia zaidi ya 40% na haya ndio maendeleo tuyatakayo! Ambokile
Msonda
Mwisho.
Post a Comment